فى فلاسفة كانوا بيعتقدوا ان سرعة الضوء سرعة لا نهائية لا يمكن قياسها منهم.. ديكارت ..صاحب الكوجيتو طبعا نار على علم
وفى ناس تانية قالوا لا سرعة الضوء سرعة متناهية ويمكن قياسها ومنهم العالم الكبير اللى كانت ليه اسهامات كبيرة ف العلم جاليلى جاليلو وقام تجربة كدة بسيطة بمساعدة شخص اخر وبواسطة صندوق فيه فاتحة يمكن التحكم ف قفلها وفتحها والصندوق كان فيه طبعا مصدر ضوئى الشخص اللى معاه وقف ع مسافه منه حوالى تلاتة ميل والاتنين قاموا بفتح وقفل الخرم اللى ف الصندوق علشان يدوا اشارة ضوئية لبعض وطبعا بحساب الزمن بن كل اشارة ورؤيتها كانوا معتقدين انهم ممكن بالطريقة دى يحسبوا سرعة الضوء لكن سرعة الضوء اسرع من كده بكتير لدرجة انها بتلف محيط الكرة سبع مرات فى الثانية الواحدة وطبعا فى بعد صغير زى تلاتة ميل مكنش يقدر جاليلو ان يقدر سرعة الضوء
ويعتبر اول من حدد سرعة الضوء تحديد سليم رومر العالم الدنماركى
رومر كان بيرصد ظاهرة خسوف اقمار ع المشترى ...jupiter فى الرسم ... (اللى اكتشافها جاليلو) بتلسكوب (اللى اخترعوا جاليلو برده ) !!
لاحظ رومر ان وقت الخسوف بيختلف لما بتكون الارض قريبة من المشترى عن لما تكون الارض بعيدة عن المشترى
رومر اعتقد ان التاخير فى الوقت ده سببه بعد الارض مسافة قطر مدارها حوالين الشمس
وقدر رومر يحسب سرعة الضوء بقسمة فرق التاخير فى الوقت على المسافة اللى هيا قطر دوران الارض earth حوالين الشمس sun
وكانت النتيجة ان سرعة الضوء هيا 185000ميلا فى الثانية
طبعا عرفنا ليه جاليلو ابو العلم وعمهم مقدرش يقدر سرعة الضوء على بعد تلاتة ميل .
فى طرق تانية كتير لعلماء بعد كدة لقياس سرعة الضوء من اشهرهم طريقة ميلكسون وطريقة فيزو
تجربة فيزو او تجربة القرص المسنن
هنكون جهاز زى اللى فى الشكل دا
الضوء هيمشى من المصدر الضوئى اللى فى الصورة light source مارا بالعدسة المجمعة converging lens هيوصل للسطح الزجاجى glass plate هينعكس لناحية الشمال فى الرسم مارا بالقرص المسنن toothed wheel بعد كدة هيمشى ف طريقه عادى لغاية اما يوصل للمرايا اللى ع الشمال هينعكس ويرجع تانى للقرص المسنن بعد كده يروح للعدسة اللى هنلاحظ منها الضوء eye piece
القرص المسنن طبعا فيه سنون وفراغات علشان الضوء يعدى لازم يمر ف الفرغات بس ..طبعا الكلام دا مع لف القرص
هنلف القرص لغاية لما نوصل لاوضح تجمع للضوء ف الاى بيس فى الحالة دى
الوقت اللى بيمر فى الضوء المسافة من لما يعدى من القرص اول مره لغاية لما يعدى منه تانى مرة هوا هوا الوقت اللى القرص فيه بيلف مسافة من فراغ لفراغ
يعنى لو القرص المسنن فيه خمسين سن وفى التجربة حصلت اكثر صورة واضحة لمرور الضوء عند سرعة 1000 لفه ف الثانية
يبقى الوقت اللى بيلف فيه القرص من فراغ لفراغ هوا 1000 ع 50 ث اللى هوا هوا الوقت اللى بيمر فيه الضوء المسافة بين القرص والمريا المقعرة اللى ع الشمال مرتين
مع العلم ان السرعة هيا المسافة ع الزمن
فيمكن قياس سرعة الضوء بقسمة المسافة ع الزمن
واللى طلعت برده 185000 ميل ف الثانية او 300 الف كيلو متر فى الثانية ........طريقة سهلة وممتعة طبعا
تعليقات
إرسال تعليق