الايحاء

الانسان بالفطرة يميل الى تصديق الكلمات اللى بيتلقاها بدون جدل او نقاش زى انك مثلا تقول لواحد صحبك انه عيان او ان عينه حمرا ووشه اصفر فتلاقيه مصدق كلامك ومخضوض ع نفسه قبل ما يتأكد حتى من كلامك ...الظاهرة دى اسمها الايحاء ...الايحاء ممكن يستخدمه فرد ع فرد او ع جماعة والعكس حتى انه يمكن للفرد استخدامه ع نفسه ...الايحاء مفيد لو استخدمناه صح ومضر لو اننا استخدمناه غلط لو اوحيت لنفسك انك كويس مش عيان او انك قادر ان تقوم بعمل ما جسمك بيبدأ يستجيب للفكرة ويصدقها برده وده بيكون عامل قوى واساسى فى شفاءك او قيامك بالعمل بعكس لو انك اوحيت لنفسك انك تعبان او مش قادر ع القيام بامر ما ده طبعا بيكون ليه تأيره السلبى .....والخلاصة انك لازم توحى لنفسك ولغيرك بالافكار الايجابية مش السلبية لان كلماتك لها قوة قد تكون غير مدرك لآثارها ...لذلك قال الرسول صلى الله عليه وسلم ان الكلمة الطيبة صدقة وان المسلم من سلم الناس من لسانه ويده وصدق فيم قال صلوات الله عليه وسلم
وقال تعالى
أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ (24) تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ (25) وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِنْ فَوْقِ الْأَرْضِ مَا لَهَا مِنْ قَرَارٍ (26) يُثَبِّتُ اللَّهُ الَّذِينَ آَمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآَخِرَةِ وَيُضِلُّ اللَّهُ الظَّالِمِينَ وَيَفْعَلُ اللَّهُ مَا يَشَاءُ
صدق الله العظيم