لو حصرنا مناشط واعمال الانسان اليومية ممكن نقسمها لاربع انواع من الاعمال وهم الاعمال الاقتصادية وفيها الانسان بيحاول يكيف الطبيعة لحياته ويوفر لنفسه السكن واللبس والاكل والشرب الاعمال الاقتصادية ضرورية للبقاء والاستمرار لكن مش هى اللى بيتميز بيها الانسان عن غيره من الكائنات والاعمال البيولوجية كالتغذية والتنفس والتكاثر والنمو ودى بتحقق للانسان القوة والحيوية لجسده وهى بطبيعة الحال ضرورية لاستمرار حياة الانسان وبقاءه بصفة ان الجسد جزء من تكوينه كما انها تختلف عن الاولى فى ان الاعمال الاقتصادية بتحقق اشياء خارجية فى البيئة قليلة الموارد اللى بيعيش فيها اما الاعمال البيولوجية فبتحقق قيم وحاجات ذاتيه للانسان وداخلة فى تكوينه ..والاعمال الاجتماعية ودى بتحقق قيم وحاجات معنوية شوية ومادية برده كالحب والصداقة وبتكون روابط اجتماعية فى الاسرة والمجتمع لتجعله اكثر صلابة واخيرا الاعمال العقلية والروحية كالتفكير والتذوق الفنى الجمالى والعبادة ودى المناشط او الاعمال اللى بتميز الانسان عن غيره من الكائنات واللى بتحققله قيم وحاجات لتكوينه العقلى والروحى بصفته ان الانسان مركب من عقل وروح وجسد كالقيم المعرفية والجمالية وحاجة الانسان الفطرية لوجود الله الذى يرعاه ويحميه ويتواصل اليه ويتوسله ويتعبده والنوع ده من الاعمال اقرب وارقى للانسان من اى نوع اخر ...الاعمال والمناشط دى بتحقق ذات الانسان كانسان روحا وجسدا وبتتفاوت من فرد لاخر ومن مجتمع لاخر فكل واحد فينا حقق درجة معينة من الانسانية وهى برده اللى خلقت الدين والفن والمعمار والعلم والعادات والتقاليد وباقى العناصر الحضارية والثقافية اللى بتختلف من مجتمع لمجتمع ولا شك ان المجتمعات اللى يبرز فيها العلم والمعرفة والفن والدين هى ارقى من غيرها المشغولة بقيم اقتصادية مادية وعلى نفس النهج فان الانسان اللى المناشط والاعمال الروحية والعقلية عنده من الاهمية بمكان هو اكثر تحقيقا لنفسه كانسان وبالتالى اكثر سعادة ممن يبحث عن مناشط واعمال اقتصادية وبيولوجية اقيم... ويرجع ذلك ايضا ان الاعمال العقلية والروحية هى ميزة الانسان عن غيره من الكائنات ...لذلك يرتبط تحقيق الذات وتحقيق الانسان لخيره الخاص بقدر ودرجة استمتاعه بالفن والادب وتذوقه لاصناف المعرفة المختلفة والتزامه الاخلاقى نحو غيره وتكوين رابطة وامان بالله عز وجل ....
تعليقات
إرسال تعليق